طريقةعمل الكيكة بالشيوكلاتة

الكيكة بالشيوكلاتة جميلة جدا واكيد كلنا بنحبها الاطفال والشباب والكبار

لانها بتكون طعمها حلو ومغذية فى نفس الوقت وبتكون تحلية رائعة  جدا

وهي كمان سهلة فى طريقة تجهيزها ومبتاخدش وقت وتكلفتها متوسطة

طبعا الست الشاطرة  تصالح جوزها بصنية كيكة بالشيوكلاتة

مقادير الكيكة بالشيوكلاتة

١-كوب لبن

٢-كوب سكر يزيد او يقل حسب الرغبة

٣-كوب زيت

٤-نص كوب كاكاو

٥- ٣بيضة

٦-كيس بيكنج بودر

٧-كيس فانيليا

٨- ٣كوب دقيق

٩-رشة ملح

١٠-ومعلقة خل

بس كده المقادير خلصت طبعا سهلة وبسيطة وموجودة فى اى بيت.

طريقة تجهيز الكيكة

هنحط البن والبن يكون دافى والسكر والزيت والكاكاو ونخلط ده كلو فى الخلاط بسرعة

وبعدين نحط فى كوب من صوص الشيوكلاتة ده عشان هنحطه على وش الكيك

وبعدين نحط البيض يكون بدرجة حرارةالمطبخ وفانيليا  ومعلقة الخل على الخليط

ونضرب ده كلو فى الخلاط بعدين ننخل الدقيق فى بولا وعليه البيكنج بودر ورشة الملح

وبعدين نحط عليهم الخليط ونقلبهم بالمضرب اليدوى او الكهربا

وكده خليط الكيكة جهز معانا

تسوية الكيكة

طبعا هنكون شغلنا الفرن على درجة حرارة ١٨٠ قبل منشتغل فى تجهيز الكيكة

وبعدين نجيب الصنية ونرش رشة كاكاو ونفضى خليط الكيكة فى الصنية مقاس متوسط وندخلها الفرن

ونستنى حوالى ربع ساعة تكون استوت بس نبص عليها كذا مرة

نطلعا من الفرن نسيبها تبرد وبعدين ننزل بصوص الشيوكلاتة عليها ونقطع الكيك

وبكده تكون جاهزة معانا احلى كيكة شي وكلاتة ومع شويبس بقا تحفة